Ambasadorja amerikane në Shqipëri, Yuri Kim ka takuar sot edhe gjyqtarët e Kolegjit të Posaçëm të Apelimit. Ka qenë vetë ambasadorja, e cila ka ndarë detaje nga takimi duke u shprehur se gjyqtarët pavarësisht presionit të fortë, po zbatojnë me përpikmëri reformën në drejtësi.

“Gjyqtarët kanë një nga përgjegjësitë më të vështira: dhënien e gjykimit përfundimtar mbi vendimet e verifikimit. Pavarësisht presionit të fortë, ata kanë vazhduar në zbatimin e këtij elementi të rëndësishëm të reformës në drejtësi,”-shkruan ajo.

Ky takim vjen në vazhdën e disa takime rradhazi që ambasadorja Kim ka bërë gjatë ditëve të fundit, duke u fokusuar tek ato me magjistratë të organeve të reja në drejtësi, të cilëve u ka kërkuar që të luftojnë krimin dhe korrupsionin.