Janë publikuar pamjet e para të sulmit të ndodhur në xhaminë ‘Dine Hoxha’ në Rrugën e Kavajës në Tiranë, ku shtetasi Rudolf Nikolli, sulmoi me thikë duke lënë të plagosur 5 besimtarë myslimanë.
Siç shikohet edhe nga pamjet e siguruara nga kamerat e sigurisë në brendësi të objektit, Nikolli është futur në objektin ku po faleshin besimtarët dhe aty ka nisur sulmin.
Në pamjet e transmetuara nga Abcnews, vihet re që besimtarët largohen me shpejtësi sapo bien pre e dhunës së Rudolf Nikollit.