Nënkryetari i Lëvizjes Socialiste për Integrim, Petrit Vasili, vlerëson me nota të larta listën e kandidatëve të LSI-së në qarkun e Fierit.
Përmes rrjeteve sociale, Vasili shprehet se ka përjetuar emocione të jashtëzakonshme kur shikon një mbështetje të tillë të paparë popullore.
“Lista fituese e shkëlqyer e Fierit vulos fitoren para mijëra qytetarëve fierakë!
Çfarë liste e mrekullueshme!
Vajza dhe djem, burra dhe gra, dinjitozë dhe patriotë të vërtetë të Fierit, që i japin fitores dimension madhështor.
Emocione të jashtëzakonshme kur shikon një mbështetje të tillë të paparë popullore.
Si ish-deputet i Fierit jam i mahnitur nga ky miting madhështor”, shprehet Vasili.