Jose Mourinho shprehu ngushëllimet me një mesazh prekës per ndarjen nga jeta të Princ Philip, bashkëshortin e Mbretëreshës Elisabetë.
Por trajneri portugez ishte live në konferencën për shtyp kur mori vesh lajmin për vdekjen e Princit. Ai menjëherë ndërpreu pyetjet për të dhënë mesazhin e tij ngushëllues për Mbretëreshën.
“Më fal, do të përgjigjem për pyetjen tuaj por sapo lexova lajmin e trishtueshëm për Princ Philip dhe doja të shprehja ngushëllimet e mia për Familjen Mbretërore” nisi mesazhin e tij Mourinho i cili pas solidarizimit iu rikthye konferences për t’iu përgjigjur pyetjeve për ndeshjen e Tottenham ndaj Man. United.