Partia Demokratike rikthehet fuqishëm në Durrës, duke fituar terrenin e humbur në zgjedhjet e fundit.
Kështu thotë sondazhi i “Noto Sondaggi”, publikuar dje në emisionin “Tempora”.
Nëse zgjedhjet do të kryheshin sot, PD dhe PS do të ishin në të njëjtin nivel me demokratët që pësojnë një rritje të konsiderueshme prej më shumë se 10%.
Nisur nga kjo, Ferdinand Xhaferraj shprehet se ndryshimi i madh nis pikërisht nga Qarku i Durrësit.
“Nga dita në ditë, sondazhet konfirmojnë fitoren e Koalicionit PD-AN. Ndryshimi i madh nis nga Qarku i Durrësit“, shkruan kreu i PD në qytetin bregdetar dhe njëkohësisht kandidat për zgjedhjet e 25 Prillit.