Deklaratat e Ramës për punëtorët nga jashtë/ Kryemadhi: Të mos sjellë punëtorë nga Bangladeshi por të bëjë pagën minimale në Shqipëri 400 mijë lekë

0
77

Kryetarja e LSI-së Monika Kryemadhi, po zhvillon takimin e radhës në qytetin e Fierit, ku pak më para nisjes së takimit gratë dhe vajzat kishin dal masivisht për ta përkrahur.

Kryemadhi ka nisur fjalimin e saj teksa shprehet se “Të gjithë dëgjuat batutat qesharake të kryeministrit që bënte në Shkodër për punëtorët që do të vijnë nga Bangladeshi dhe të gjithë gazetarët dhe rrjetet sociale u morën me meme, sesi mund të ndodhte po të vinin punëtorët nga Bangladeshi, por asnjëri nga ne nuk foli sesi ata që kanë fasonët e dinë shumë mirë dhe e kanë të pamundur për të paguar rrogën e një punëtori në fason me 400 mijë lekë. ”

 Fjalimi i plote

“Unë e di shumë mirë që të gjitha ne së bashku do ta arrijmë dhe do ta realizojmë objektivin tonë. Objektivi ynë nuk është thjesht një flamur, por është mirëqenie për familjet shqiptare. Objektivi ynë është punë për gratë dhe vajzat shqiptare për djemtë dhe burrat shqiptarë. Dhe jo vetëm punë që të tallemi me ta, por punë të mirëpaguar.

Të gjithë dëgjuat batutat qesharake të kryeministrit që bënte në Shkodër për punëtorët që do të vijnë nga Bangladeshi dhe të gjithë gazetarët dhe rrjetet sociale u morën me meme, sesi mund të ndodhte po të vinin punëtorët nga Bangladeshi, por asnjëri nga ne nuk foli sesi ata që kanë fasonët e dinë shumë mirë dhe e kanë të pamundur për të paguar rrogën e një punëtori në fason me 400 mijë lekë. Por përkundrazi, mezi e realizojnë që t’u japin pagën punëtorëve. Sepse me rëniën e ekonomisë, çdo fabrikë fasonistësh humbet të paktën me qindra mijëra euro për shkak të kodit doganor, të ligjeve absurde të Edi Ramës, për shkak të çdo abuzimi dhe shkatërrimi të ekonomisë shqiptare.

E pra para se të marri dhe të bëjë rrogat e punëtorëve nga Bangladeshi, nga Pakistani e nga të dojë ai me 400 mijë lekë, të bëjë rrogat e punëtorëve shqiptarë dhe t’u japë shansin dhe mundësinë bizneseve shqiptare që të bëjnë rrogat minimale me 400 mijë lekë. Me mashtrime të tilla shqiptarët janë lodhur, kanë 8 vite që e dëgjojnë atë që gënjen. 4 vjet me kusi e timon, i vetëm fare dhe ja ku jemi sot. Taksa më të larta, çmime më të larta, biznese të mbyllura, fëmijë të larguar nga Shqipëria, shkolla të shkatërruara, spitale të rrënuara, shërbim shëndetësor skandaloz, faturat e ilaçeve më të larta se kudo tjetër. E pra kjo është ai që ai kërkonte, të pasuronte veten dhe oligarkët e tij dhe të varfëronte qytetarët.”

Web Agency, Digital Agency, Web Development Agency

LEAVE A REPLY

Please enter your comment!
Please enter your name here