Varianti i ri COVID, i cili tashmë është konfirmuar në Shqipëri, ka rritur paksa frikën tek qytetarët. Ministrja e Shëndetësisë, Ogerta Manastirliu ka thënë se varianti i ri ka rritur shkallën e infektimeve në Shqipëri. Ndër të tjera ajo shtoi se aktualisht në vendin tonë janë riinfektuar me koronavirus 28 qytetarë.
Ajo u shpreh:
Kemi disa të dhëna në raport me riinfektimet. Riinfektim quhet ai rast ai që infektohet tre muaj pasi është konfirmuar njëherë pozitiv është konfirmuar negativ me tampon dhe riinfektohet sërish, por gjatë periudhës nuk ka pasur shenja të COVID. Deri më tani kemi 28 raste të riinfektimeve në Shqipëri.
