Demostratat/ Stresi iu kërkon falje publike policëve të lënduar dhe merr një vendim

0
108

Reperi i njohur Stresi dhe labeli i tij “Bad Boys” kanë kërkuar falje publike ndaj policëve të pafajshëm që janë lënduar në protestën për vrasjen e Klodian Rashës.

Me anë të një statusi në rrjete sociale (i cili është rishpërndarë dhe nga reperi), stafi i labelit ka njoftuar se Stresi ka qenë organizatori i protestës.

Në status është shkruar se numri i madh i pjesëmarrësve e ka përkeqësuar situatën. Në vazhdim, ata do ta ndihmojnë familjen Rasha financiarisht, patën apo nuk patën nevojë.

“Sa për informacion, po Stresi ka qenë organizator i protestës për vrasjen e një të riu nga një punonjës shteti (polic) Por kur është organizuar protesta është organizuar protestë paqësore për drejtësi.

Por shkaku që turma ka qenë e madhe dhe s’ka mundësi kushdo që të jetë ta mbajë protestën +2000 veta në nivel të qetë. Por duhet ta dimë që jo të gjithë policët janë të njëjtë sikur gishtat e dorës së njeriut. Ne si stafi i Bad Boys Label dhe Stresi ju kërkojmë falje dhe shërim sa më të shpejtë disa policëve të pafajshëm që janë lënduar në protestë.

Ne tani konfirmojmë dhe pranojmë që familjen e Klodianit ta ndihmojnë financiarisht patën apo s’patën nevojë. Zoti e pastë mëshiruar në Xhenet vllaun tonë Klodianin dhe Zoti ua heqtë mërzinë familjes. #NeJemiMeJu Bëhuni të fortë”, shkruhet në status.

Megjithatë familja Rasha e ka thënë në çdo rast që i është dhënë mundësia që nuk kërkon mbështetje financiare, dhe se gjithçka që kërkon është drejtësia.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here