Fero dhe Arbenita janë një ndër çiftet më të komentuar të showbizz-it dhe shpesh janë bërë pjesë e thashethemeve, sipas të cilave dyshja i ka dhënë fund marrëdhënies së tyre.
Por, ata kanë dëshmuar nëpërmjet postimeve në rrjete sociale se diçka e tillë nuk ka ndodhur kurrë dhe se janë bërë për njëri-tjetrin.
Mesa duket, pasi kanë jetuar një histori dashurie për shumë vite, Fero dhe Arbenita e kanë çuar në një tjetër nivel marrëdhënien e tyre.
Sipas “Prive”, burime shumë të sigurta pranë çiftit kanë thënë se dyshja e ka kurorëzuar dashurinë me martesë.
Fero dhe Arbenita i kanë thënë “PO” njëri-tjetrit, por këtë e dinë vetëm një rreth shumë i ngushtë i familjarëve dhe miqve të tyre.
Fero ka treguar më parë se është njohur me Arbenitën në rrjete sociale dhe pasi i ka shkruar, janë takuar për herë të parë në Shkup.
Sipas tij, Arbenita e ka bërë menjëherë për vete, ndryshe nga vajzat e tjera me të cilat ka dalë apo ka pasur marrëdhënie.