Një ditë e keqe për sistemin arsimor në Shqipëri, ku 3 mësues mësohet se kanë humbur jetën për shkak të Covid-19
Dy prej mësuesve që kanë humbur jetën raportohet të jenë nga qarku i Elbasanit.
Fatmir Sula, mësuesi në Peqin jepte mësim në shkollën “Bishqem”.
Ai humbi jetën në moshën 62 vjeçare.
Lajmin e humbjes së tij e publikoi në “Facebook” shkolla ku ai kontribuoi për disa vite.
Ku mes të tjerash shkruhen dhe disa fjalë të ndjera.
“Drita e shpirtit te tij u largua fizikisht,po kurrë nuk do të largohet nga brezat e nxënësve që ka lënë pas.”
Sula raportohet se kurohej prej më shumë se 10 ditësh në spitalin Covid 2.
Po në mesditën e sotme mësohet se ka humbur jetën edhe një mësuese nga Elbasani,
Mësuesja 62 vjeçare ishte shtruar prej 2 javësh në spitalin “Shefqet Ndroqi”.
Sipas autoriteteve shëndetësore, të dy mësuesit e qarkut të Elbasanit vuanin edhe nga sëmundje të tjera.
Viktima e tretë në radhët e mësuesve është Gramoz Abedinaj, i cili jepte mësim në shkollën e Roskovecit.
