Kreu i qeverisë Edi Rama ka mbërritur pak minuta më parë në spitalin Covid 3, i cili pritet të hapet së shpejti në ambientet e ish-kirurgjisë në QSUT.
Siç shihet dhe nga pamjet, e gjithë zona rreth spitalit ka masa të shtuara sigurie në pritje të Ramës, ndërsa kreu i qeverisë si zakonisht, edhe këtë takim do ta ketë me regji qendore.
Spitali Covid 3 pritet që të ketë 150 shtretër në total, ku pritet që të trajtohen pacientët që janë në gjendje më të stabilizuar. Fillimisht pritet hapja e një pavioni me vetëm 40 shtretër, ndërsa në dispozicion do të jenë 50 mjekë dhwe infermier, që do kujdesen për pacientët.