Të paktën 800 raste vdekjesh të tjera të lidhura me koronavirusin janë raportuar në Indi të enjten. Kështu, numri total i viktimave në vend shkon në më shumë se 35,500.
Tashmë India ka tejkaluar edhe Italinë për numrin e rasteve fatale si pasojë e Covid-19 dhe renditet vendi i pestë me më shumë viktima në botë.
Po ashtu, India regjistroi një tjetër rekord të enjten, pasi me regjistrimin e 54,000 rasteve të reja ditore, numri total i të infektuarve në vend shkon në 1.6 milion.
Pra, ky është bilanci i tretë më i lartë në botë i viktimave.
India u fut në karantinë në fund të marsit dhe nisi porocesin e rihapjes me faza në qershor. Të mërkurën, qeveria njoftoi për një raund masash të reja lehtësuese, që përfshinin hapjen e palestrave dhe hoteleve duke nisur që nga 5 gushtit.
Të premten, kryeqyteti Delhi njoftoi se do të rihapte hotelet, por palestrat do vijojnë të qëndrojnë të mbyllura.
