Analisti, Enton Abilekaj, e cilëson tejet të rëndë gjithçka ndodhi në mbledhjen e sotme të Këshillit Politik.
Sipas tij, institucioni që u krijua me nismën e mazhorancës dhe të ndërkombëtarëve për të kthyer opozitën e bashkuar në sistem u “pushtua” nga kryeministri Rama dhe “banda e tij e krundeve” të opozitës.
Abilekaj: Sot një institucion i krijuar për ta kthyer opozitën në sistem u pushtua nga të huaj që nuk janë anëtarë të Këshillit Politik dhe nuk kanë të drejtë të ulen në atë tryezë. Këshilli Politik është me katër anëtarë, është formatuar i tillë në bazë të një marrëveshje të 14 janarit me kërkesë të mazhorancës dhe ndërkombëtarëve. Sot u pushtua instituconi nga Edi Rama dhe banda e tij e krundeve të opozitës. Pasi pushtoi institucionin, thoshte hajdeni dhe ju të tjerët.
Pa faj në këtë mes nuk e gjen as opozitën.
Abilekaj: Një nga gabimet e opozitës është që ka pranuar menjëherë të ndryshojë formatin e Këshillit Politik duke çuar atje Gazment Bardhin. Secili mund të ndryshojë anëtarin e tij por jo të shtojë një anëtar më tepër. Pushtimi i sotëm ishte një aventurë haxhiqamiliste e Edi Ramës për të injoruar gjithë faktorin ndërkombëtar dhe për të thënë se ne kemi sovranitet dhe i bëjmë gjërat vetë.
Kuvendi pritet të miratojë nesër marrëveshjen e 5 qershorit, por për Abilekaj ajo nuk ka asnjë vlerë nëse ndryshon 40% e kodit zgjedhor dhe ndryshon Kushtetuta në nenet që përcakton zgjedhjet.
Ndërsa Rama pas mbledhjes së sotme u mbrojt me ekspertizën e Gumit dhe Rusmailit se ndryshimet kushtetuese nuk prekin 5 qershorin, analisti ka këtë koment.
