I pyetur nëse kreu i Partisë Demokratike Lulzim Basha bëri gol apo autogol me dakordësinë për reformën zgjedhore, kryetarja e LSI-së, Monika Kryemadhi tha se bëri një gol nga një distancë shumë të largët.
‘Sigurisht që bëri gol dhe bëri një gol nga një distancë shumë të largët. E bëri gjithë opozita. Unë them që këtu ka humbur ai që donte të mbushte kutitë siç i mbushi më 30 qershor’, tha ajo në ‘Opinion’.
E pyetur nëse LSI-ja do të ishte e përfshirë edhe brenda listës së Partisë Demokratike në zgjedhjet e ardhshme, ajo tha se partia që drejton nuk fut lugën në pjatat e të tjerëve.
‘LSI asnjëherë nuk e fut lugën tek pjata e tjetrit dhe sidomos në situatën ku jemi. LSI ka angazhimin e shumë të rinjve dhe të rejave. LSI ka qenë gjithmonë e qëndrueshme me elektoratin e saj’, tha ajo.