Në një lidhje për emisionin 306 gradë në RTV Ora, poetja Flutura Açka u shpreh se viktimat e vërteta të koronavirusit janë të varfërit pasi nuk kanë kushtet minimale për ta përballuar këtë pandemi.
Flutura Açka: ”Viktimat e vërteta të koronavirusit janë këto shtresa. Ata jetojnë në kushte më pak të favorshme, në shtëpira me kushte jo higjenike, nuk kanë kushtet elementare të higjienës.
Është e kushtueshme të mbash kushtet e higjienës, qoftë edhe të bësh dush disa herë, me maska, gjithçka është kosto. Që nga dezifektanët që u rritën në mënyrë galopante në Shqipëri.
Këto janë njerëzit më të ekspozuar, duhet të dalin për bukën e gojës në rrugë.
Gjithë këto elementë i kthejnë ata në viktima të vërteta, dhe mendoj se ata janë viktimat e vërteta.”