Ky është skafisti vlonjat, Roland Cenko, i cili drejtonte skafin që kishte në bord 18 emigrantë kurdë, iranianë e irakenë, që rrezikuan të mbyteshin në det të hapur mbrëmjen e djeshme.
Në orën 23:40, skafisti dhe alarmin SOS 18 milje larg nga Kepi i Selitës, se skafi me të cilin udhëtonin kishte pësuar defekt, fuste ujë, dhe 19 personat që gjendeshin në bordin e tij rrezikonin të mbyteshin.
Skafi është ndihmuar nga një anije peshkimi e cila ka qenë në zonë deri në momentin që në vendngjarje kanë mbërritur anija e Guardia di Financa dhe e Rojes Bregdetare; të nisura nga porti i Durrësit dhe një anije nga Vlora.
Operacioni u mbyll me sukses në orën 04:30 të mëngjesit me shpëtimin e të gjithë emigrantëve që rrezikoheshin të mbyteshin në det.
Në skafin me 18 emrigrantë gjendeshin 1 fëmijë, 5 gra e 12 burra, të cilët janë transportuar në gjendje të mirë shëndetësore në portin e Durrësit.