Forcat RENEA, FNSH dhe Forcat operacionale kanë zhvilluar gjatë natës një operacion në fshatin Bardhaj të Shkodrës dhe kanë shoqëruar, dy persona me mbiemrin Doçi. Të dy dyshohet se janë vrasës me pagesë, sipas burimeve.
Operacioni në Shkodër është në vazhdën e hetimit për pengmarrjen edhe vrasjen e Jan Prengës, trupi i të cilit që dyshohet se u gropos në zonën e Shijakut, ende nuk është gjetur.
Në hetimet për vrasjen e Prengës kanë dalë emrat e shumë grupeve kriminale të përfshirë dhe tashmë Policia shqiptare është angazhuar për arrestimin e tyre. Pesë janë arrestuar deri tani dhe 8 janë shpallur në kërkim, pjesa më e madhe e tyre nga Shkodra.
