Një grua e moshuar është strehuar në kapanonet e vendosura në kampin e të pastrehëve në Manëz të Durrësit. Ajo është e vetme dhe thotë se rron me pensionin e saj, prej 100 mijë lek (të vjetra).
“Shtëpia ime është shembur komplet…10 ditë qendrova në çadër më pas më sollën këtu në kontejner… Bukë e gjellë këtu s’ka, vetem me fjet”, shprehet 87 vjeçarja.
“Dua vetëm shtëpinë time” thotë ajo, duke apeluar që rindërtimi të nisë sa më shpejt.
Sa i përket vështirësive të jetesës në kontejnier, e moshuara thotë se mungon uji, por edhe ushqimet të cilat i ka siguruar me të ardhurat e saj. Edhe ngrohësen thotë se e kam blerë vetë.
Nata e ndërrimit të viteve? As që bëhet fjalë për festë për këta banorë të goditur rëndë nga termeti
“Për ne s’ka festa, por shyqyr që shpëtuam gjallë…”
