Mesazhi i Kryemadhit për fundvit: Blini shqip, konsumoni shqip, gëzoni shqip!

0
10

Kryetarja e LSI-së, Monika Kryemadhi, në një mesazh në Facebook, ka uruar shqiptarët për festat e fundvitit dhe ka kërkuar që qytetarët të konsumojnë produkte vendase.

Kryemadhi shprehet se “tavolina e festës duhet të jetë sa më shumë shqiptare, ndaj të konsumojmë sa më shumë produkte shqiptare. Produkte të shkëlqyera, që i prodhon djersa dhe mundi i papërshkrueshëm i mijëra shqiptarëve të lënë pasdore nga kjo qeveri, që i ka hequr çdo subvencion fermerëve dhe agropërpunuesve shqiptarë”.

Mesazhi i plotë i kryetares së LSI:

??BLEJ SHQIP, KONSUMO SHQIP, GËZO SHQIP ??

Të nderuar miq!

Në festat e fundvitit ashtu sikurse është traditë të gjithë do të shtrojnë tavolinën për darkën e festës.

Ndajmë gëzimin, por edhe është momenti të mendojmë shumë më shumë për njëri-tjetrin, sepse kemi nevojë si asnjëherë më parë për njeri-tjetrin.

Tavolina e festës duhet të jetë sa më shumë shqiptarë, ndaj të konsumojmë sa më shumë produkte shqiptare.

Produkte të shkëlqyera, që i prodhon djersa dhe mundi i papërshkrueshëm i mijëra shqiptarëve të lënë pasdore nga kjo qeveri, që i ka hequr çdo subvencion fermerëve dhe agropërpunuesve shqiptarë.

Tashmë përmes një politike prej shërbëtorësh të interesave të oligarkëve qeveria kërkon që ti vendosë produktet shqiptare edhe përballë konkurrencës sa të pandershme aq edhe antikombëtare.

Konsumoni shqip, konsumoni frutat, zarzavatet, bulmetrat, verën, birrën, miellin shqiptar, në ndihmë të gjithë fermerëve dhe prodhuesve të shijes së mrekullueshme shqiptare që të mbështesim fort njëri-tjetrin edhe në këto ditë festash,ashtu siç gjendemi pranë në ditë të vështira.

Gëzuar Viti e Ri jo vetëm me urimin shqip, por edhe me produktet unike shqiptare në tavolinat tona.

Bleni shqip, konsumoni shqip, gëzoni shqip.

LEAVE A REPLY

Please enter your comment!
Please enter your name here