Një 4-vjeçar u sulmua nga një qen pitbull, duke qenë kështu në rrezik për jetën. Ngjarja ka ndodhur në një lagje në Rio de Janeiro të Brazilit, ndërsa videoja është shpërndarë nga mediat lokale.
Në video duket sesi qeni i sulet vogëlushit dhe nuk e lëshon nga goja e tij, ndërsa e zvarrit përtokë. Në këtë moment ka ndërhyrë një i ri, i cili i ka shpëtuar jetën 4-vjeçarit. Ai ka arritur ta shkëpusë të voglin nga goja e pitbullit dhe më pas e vendos mbi makinë.
Por qeni i sulet edhe të riut dhe në këto kushte ai detyrohet që edhe vetë të hipi mbi makinë. I pyetur nga mediat lokale se pse e bëri një akt të tillë, ai u shpreh se nuk është menduar fare për rrezikun.
“Në fytyrën e djalit të vogël pashë vajzën time 2-vjeçare Lara. Kur pashë sulmin, reagova instiktivisht”, ka shpjeguar 20-vjeçari brazilian.
https://youtu.be/-979Z66jMSY
