Një dramë e vërtetë ka ndodhur dje në Koçan kur persona të panjohur kanë tentuar të rrëmbejnë vajzën e deputetit nga radhët e LSDM-së Sashko Kostov, kur ajo kthehej nga shkolla, shkruan Zhurnal.
Për fat, babai i deputetit në atë moment ka qenë afër dhe i ka penguar grabitësit për te realizuar qëllimin e tyre.
Ngjarja ka ndodhur rreth orës 11:45 kohe kur vajza e tij e mitur është kthyer nga shkolla, në afërsi të shtëpisë së deputetit, ku persona të panjohur me makinë me targa të huaja i kanë prerë rrugën vajzës, kanë hapur dritaren dhe i kanë kërkuar të futet brenda.
Në atë moment personat janë parë nga babai i deputetit dhe sipas dëshmisë qe ky i fundit ka dhënë, personat janë larguar me shpejtësi.
Ngjarja nuk është bërë publike nga policia në raportet e saj ditore. /Zhurnal.mk
