Petrit Vasili, nënkryetari i LSI, i është drejtuar prindërve të nxënësve të shkollës “Emin Duraku” në Tiranë, me një letër të hapur për shqetësimin e tyre të madh lidhur me mosdhënien e garancisë për sigurinë e godinës.
“Të dashur prindër të nxënësve të shkollës “Emin Duraku”, – shkruan Vasili. – Vërtet prisni garanci për shkollën nga Edi Rama?! Po si mundet ta keni një iluzion të tillë?!
Edi Rama, me gjithë Ministren e tij të Arsimit, pas tërmetit të 21 shtatorit, dha garanci brenda 24 orësh për të gjitha shkollat në disa qarqe të vendit, pra për qindra e qindra shkolla, sigurisht pa bërë asgjë. Dhe ju prisni garanci nga ky i papërgjegjshëm?!
Lexoni çfarë u thotë Edi Rama prindërve të shqetësuar, që me zemër të dridhur kërkojnë garanci për fëmijët e tyre, pasi shteti i Edi Ramës u ka dhënë dy verifikime kontradiktore: një që shkolla është e papërdorshme dhe e pasigurt dhe një tjetër që lejon të bëhet mësim!”
