I pikëlluar nga tërmeti në Shqipëri, një 51-vjeçar piu disa gota alkool në Greqi, por e pësoi keq, pasi përfundoi në burg.
Shqiptari me banim në Volos ishte në gjendje të dehur, ndërsa makina e tij u përplas me një tjetër mjet.
Ai u arrestua për drejtim mjeti në gjendje të dehur dhe ndërkohë nuk kishte as patente. Aksidenti ka ndodhur të dielën e kaluar, ndërsa sot doli para gjykatës ku edhe u shpall fajtor, raportojnë mediat greke.
Shqiptari u dënua me 14 muaj burg dhe gjobë 1200 euro.
Ai pretendonte se do të shkonte për peshkim, por ishte i papunë dhe ndërkohë kishte pirë pasi ishte i shqetësuar për tërmetet që kishin goditur Shqipërinë.
