Presidenti Donald Trump ka shkarkuar këshilltarin e tij të Sigurisë, John Bolton, për shkak të këshillave të këqija që ka bërë.
Edhe pse shkarkimi i Bolton nuk ka lidhje të drejtpërdrejtë me Ballkanin, largimi i tij ka sjellë reagime të shumta në rajon.
Mediat serbe kanë reaguar të mërzitur, duke shkruar se iku kundërshtari i pavarësisë së Kosovës.
John Bolton njihet si kundërshtar i ashpër i ndërhyrjes ushtarake në Kosovë, që solli lirinë për shqiptarët.
Gazeta serbe ‘Kurir’, shkruan në faqen online të saj se ‘John Bolton, ish ambasadori amerikan në OKB, njihet si një kundërshtar i hapur i pavarësisë së Kosovës’.
Duket se largimi i Bolton ka zvenitur shpresat që SHBA të mbështesë planin e Vuçiç-Rama-Thaçi për ndarjen e Kosovës
