‘Kriminelët shqiptarë të gatshëm të shesin edhe nënat e tyre për ca para më shumë’

0
90

Një kriminel i pa shpirt në Britani pretendon se mund të rekrutonte me lehtësi një “ushtri” fëmijësh nga portat e shkollave për të shpërndarë lëndë narkotike si kokainë.

Burri, i cili e quajti veten Martin, ka punuar në tregtinë e drogës që kur u shfaq ekstazi në mes të viteve 1980.

Ai aktualisht ka 12 fëmijë që punojnë për të, disa prej tyre madje nuk janë akoma as adoleshentë.

Tre u rekrutuan brenda javës së kaluar nga një qytet verior britanik, por Martin pretendon se ai mund të kishte një “ushtri” prej 50 fëmijësh brenda 10 ditësh nëse dëshironte.

Duke folur vetëm disa ditë pasi një bandë e dyshuar e County Lines u arrestua me dyshimin se kishte rekrutuar 40 fëmijë nga e njëjta shkollë, Martin e përshkroi veten si një “menaxher kati” brenda bandës.

Ai tha se disa nga fëmijët madje e quajnë atë “baba” sepse ai është figura e vetme e babait që kanë pasur ndonjëherë.

Teksa fiton deri në 10 mijë paund në javë përmes tregtisë së drogës, thotë: “Gjatë javës së kaluar unë kam shtuar tre fëmijë në bandë. Ata janë në moshë të mirë, rreth 16 vjeç. Ata janë të mirë në atë moshë sepse janë të dashur dhe të freskët”.

“Ata duan para. Unë praktikisht mund të qëndroj jashtë kolegjit dhe zyrës së karrierës dhe t’i marr. Fëmijët vijnë tek unë. Miqtë e miqve, ose shokët e tyre.

Ata janë gjithmonë të interesuar si mustardë. Unë mendoj se mund të rekrutoja një ushtri prej rreth 50 në 10 ditë nëse do të doja vetëm në këtë zonë. Ata duan para, shtëpi të bukura, motoçikleta, këpucë të zbukuruara.

Skllavëria? Ata janë skllevër të dëshpëruar të mbretit nëse kjo mund të quhet skllavëri”.

Ai tha se adoleshentë gjithnjë e më të rinj bëhen pjesë e bandës pasi ka më pak të ngjarë që policia t’i kontrollojë kur transportojnë drogë në qytetet rajonale.

Dhe për shkak se ai jeton disa orë me makinë larg nga vendi ku shitet droga, përdor në mënyrë rutinore gjurmuesit GPS për të monitoruar lëvizjet e fëmijëve.

Në zbulimet e tjera tronditëse, Daily Star shkruan se po zhvillohet një luftë me bandat shqiptare që janë duke u përpjekur të shtrijnë ndikimin në qytetet veriore që kontrollohen aktualisht nga kriminelët britanikë.

Një gangster i tha Daily Star se ata janë “edhe më të pamëshirshëm” sesa britanikët dhe “do të shesin nënat e tyre” për të ecur përpara.

Dhe ndërsa tregu bëhet gjithnjë e më i gjerë me klientë, pastërtia e drogës po bëhet më e lartë – pasi bandat po ofrojnë marrëveshje për të ulur çmimet e heroinës dhe kokainës për të joshur klientët.

Një burim tjetër zbuloi se linjat e telefonit të County Lines janë aq fitimprurëse sa janë duke u shitur për 20,000 £./ Marrë nga Panorama

 

 

Web Agency, Digital Agency, Web Development Agency

LEAVE A REPLY

Please enter your comment!
Please enter your name here