Masakrohet nga komisionerët e PS
Një 59-vjeçar, Asllan Likursi është dërguar me urgjencë në spitalin e Burrelit.
Likursi nga fshati Gurë e Madhë në Klos, ka thënë se ai, bashkë me të vëllanë janë goditur me levë në kokë nga dy komisionerë të PS-së në Gurrë të Madhe.
59-vjeccari ka treguar se komisionerët i kanë thënë pse ‘rri para qendrës së votimit’ e më pas ndaj tij dhe të vëllait është ushtruar dhunë.
Forca të shumta policore kanë shkuar në banesën e plagosurve.
Dyshohet se vëllai tjetër është fshehur nga frika e dhunës.
Asllan Likursi po transportohet drejt Tiranës për mjekim të specializuar për shkak të plagëve të rënda që ka marrë.
