Ish-deputeti i PD-së, Luçiano Boçi, përmes një postimi në facebook, denoncon daljen e tezës së provimit të maturës, ekzaktësisht teza e letërsisë dhe gjuhës. Ai thotë se kjo është një tallje gjigande që qeveria i bën maturantëve. ”Pas kësaj pse duhet të qëndrojnë në Shqipëri fëmijët tanë, kur këtu stimulohet e fiton çuni i partisë, goca e qeverisë, i forti i krimit, i shkathti i shkollës? Pas kësaj, pse duhet të heshtin prindërit, maturantët? Padrejtësia e sotme lë gjurmën e saj tek brezi dhe bëhet shtrat i padrejtësive të tjera. Turp dhe skandal i vërtetë! Ky KRIM SHTETËROR është i papranueshëm e duhet dënuar”,-shkruan Boçi në facebook.
Postimi i plotë
Kjo nuk është më Maturë Shtetërore! Ky është Krim Shtetëror. Një tallje gjigande, shpërfillje, hedhje poshtë, shkelje me këmbë e çdo merite, mundi e djerse që Rama, Besa e pabesia qeverisëse i bën maturantëve. Fare pak pas fillimit të provimit të Letërsisë, sikurse ndodhi me Anglishten, testi del e përhapet kudo! Pas kësaj pse duhet të qëndrojnë në Shqipëri fëmijët tanë, kur këtu stimulohet e fiton çuni i partisë, goca e qeverisë, i forti i krimit, i shkathti i shkollës? Pas kësaj, pse duhet të heshtin prindërit, maturantët? Padrejtësia e sotme lë gjurmën e saj tek brezi dhe bëhet shtrat i padrejtësive të tjera. Turp dhe skandal i vërtetë! Ky KRIM SHTETËROR është i papranueshëm e duhet dënuar.
