Nënkryetari i Partisë Demokratike, Edi Paloka, nëpërmjet një postimi në rrjetet sociale, ironizon qëndrimin e zyrtarëve të Tiranës, të cilët akuzojnë gazetën e rëndësishme gjermane se është blerë nga opozita.
“Gazeta më e madhe dhe më e rëndësishme e Evropës dje u shpall si “e blerë” nga opozita…!!!”,- shkruan Paloka.
“Prisni kur të dalë Tao Palla sot e të thotë që opozita e bleu “Bild” me paratë e drogës ose me milionat që grabiti ne aeroportin e Rinasit (e me që “ra fjala”; ku janë 10 milionë eurot e bandës që “shkatrroi” Lleshi i Ramës…???!!!):- vijon ish-deputeti demokrat.
Postimi i plotë i Palokës:
Pasi vulosen “kazan” “Zeri i Amerikes”, dje ishte rradha e “Bild”.
Gazeta me e madhe dhe me e rendesishme e Evropës dje u shpall si “e blerë” nga opozita…!!!
Prisni kur te dal Tao Palla sot e të thotë që opozita e bleu “Bild” me paratë e droges ose me milionat qe grabiti ne aeroportin e Rinasit ( e me që “ra fjala”; ku jane 10 milion eurot e bandës që “shkatrroi” Lleshi i Ramës…???!!!)
Rama është kthyer fix si ai gomari i fabulës që ndërsa e hante ujku thoshte me vete “ Jam në ëndërr”
“Bild” “ka ngrënë” ca më të fortë se Rama. Të paktën për një gjë duhet ta kenë sqaruar “liderin magjepsës” se “Bild” lexohet e besohet atje ku merren vendimet, ca më shumë se fletushkat e propagandës që shpërndan Rama edhe nga ndonjë zyrë diplomatike në Tiranë…