Në prangat e policisë së Lezhës ka përfunduar një 23 vjeçar i cili vetëm një javë pasi ky i fundit kishte dalë nga burgu.
I arrestuari ishte shtetasi D.K., i cili ka tentuar të grabisë një banesë.
Mësohet se 23-vjeçari ka hyrë nga dritarja e banesës së shtetases Gj. K. e cila ka lajmëruar menjëherë policinë.
I riu, i cili ishtë dënuar më parë për vjedhje, kishte me vete një thikë.
Njoftimi i policisë
Tenton ti vjedhë banesën një shtetasi, arrestohet në flagrancë nga Policia, në një nga dhomat e banesës që ishte futur për të vjedhur.
Sekuestrohet në cilësinë e provës materiale një mjet prerës (thikë) që autori kishte me vete
Specialistët e Seksionit për Hetimin e Krimit në Komisariatin e Policisë Lezhë, arrestuan në flagrancë shtetasin: D.K.,23 vjeç, banues në Lezhë (i dënuar më parë për vjedhje, i cili para një jave kishte dalë nga burgu)
Ky shtetas, në orët e para të mëngjesit të sotëm, ka tentuar ti vjedhë banesën shtetasit Gj.K., banues në Lezhë, duke hyrë nga dritarja, por është konstatuar nga i zoti i banesës, i cili ka njoftuar menjëherë policinë.
Falë reagimit të menjëhershem të forcave policore pas marrjes se njoftimit, u bë e mundur kapja dhe arrestimi në flagrancë i këtij shtetasi, në një prej dhomave të banesës së shtetasit Gj.K, ku gjatë kontrollit fizik Policia i gjeti një mjet prerës (thikë).
Materialet për veprime të mëtejshme i kaluan Prokurorisë Pranë Gjykatës së Shkallës së Parë Lezhë për veprat penale “Vjedhja”dhe “Prodhimi dhe mbajtja pa leje e armëve të ftohta” .
