Dyshohet se paratë i përkisnin një banke të nivelit të dytë, por ende nuk bëhet e ditur emri i bankës.
Një grabitje spektakolare ka ndodhur ditën e sotme në Rinas, ku një furgon i blinduar që transportonte para, është sulmuar nga grabitës me maska dhe të armatosur. Ata kanë arritur të grabisin plotë 2 milionë euro. Si për ironi, grabitësit kanë qarkulluar me një mjet me mbishkrimin “Hetimi Tatimor” dhe pa targa.
Mësohet se një person ka mbetur i vrarë gjatë përplasjes me armë, mes grabitësve dhe policisë. Ndërsa një tjetër person që ka lidhje me grabitjen është gjetur i vdekur pranë lumit Tërkuzë. Grabitja ka ndodhur brenda terminalit të aeroportit.
Forcat RENEA vijojnë të jenë në ndjekje të autorëve, të cilët mendohet se janë larguar drejt Fushë Krujës.