Zv/ministri Brendshëm, Besfort Lamallari lëshoi sonte një deklaratë të pazakontë në lidhje me krimin në vend, duke shokuar jo pak opinionin publik.
I ftuar në studion e emisionit “Opinion” në Tv Klan, Lamallari tha se qytetarët nuk kanë arsye pse të ndjehen të shqetësuar, pasi bandat po lajnë hesapet me njëra-tjetrën. “Çdo ngjarje e rëndë është shqetësuese. Dhe për çdo ngjarje duhet të bëjmë dallimin, kemi vrasje aty për aty, kemi vrasje në familje, kemi dhe disa vrasje që janë dhe për likuidime. Qytetarët nuk duhet të ndihen të shqetësuar”- tha zv/ministri i Brendshëm.
