Një ditë pas arrestimit të tre të rinjve, të dyshuar si bashkautorë në vrasjen e menaxherit të VIP-ve, Jurgen Kurti dhe shpalljen në kërkim të autorit të 4 të dyshuar me inicialet K. B, mësohen detaje të reja për lëvizjet e këtij të fundit dhe si arriti policia ta identifikonte.
Ditën e ngjarjes mjetit tip “Benz” ngjyrë gri me të cilën iu bë atentat Jurgen Hoxhës, K.B i ka mbivendosur targa false.
Pas ngjarjes mjeti është ndjekur nga kamerat e sigurisë dhe është kapur duke u futur në një rrugicë ku ka hequr targat false për të vijuar të qarkullojë me targat e veta. Ishte pikërisht ky detaj që ndihmoi policinë të identifikojë pronarin dhe me pas 3 miqtë e tij tashmë të arrestuar: Elsi Levendi lindur në Athinë/Greqi dhe banues në Tiranë, Olsi Qalliaj 22 vjeç, lindur në Fier dhe banues në Patos dhe Alesio Berberi 33 vjeç lindur në Patos dhe banues në Patos, Fier.