Lihet në burg Nelson Hysa, anëtari i grupit kriminal “Bajri”. Gjykata e Krimeve të Rënda ka dhënë masën e sigurisë “arrest me burg” ndaj Nelson Hysës, i akuzuar për vepra penale “Paracaktim i rezultateve më garat sportive”, “Pjesëmarrje në grup kriminal” dhe “Organizatë kriminale”.
Hysa u arrestua mëngjesin e të shtunës, pasi ishte shpallur në kërkim si pjesë e grupit të “Bajrit”, që në muajin shtator të 2018. Nelson Hysa ka qënë më herët boksier dhe njihet për afrimitetin që kishte me grupin “Bajri”. Hysa u gjet në një apartament te “Komuna e Parisit”, ku i fshihej Policisë.