Fakulteti i Historisë dhe Filologjisë do të vijojë protestat dhe pas rinisjes së mësimit!

0
143

Protesta dy mujore, për ligjin e arsimit të lartë, do të shtyjë dhe përfundimin e vitit akademik që parashikohet të përmbyllet në fund të muajit korrik.

Studentët do të qëndrojnë edhe përgjatë fundjavës në auditore për të zëvendësuar orët e humbura gjatë protestës. Sezoni i provimit është shtyrë për në muajin mars, ndërsa pagesa e tarifave do të nisë prej javës që vjen. Dekani i Fakultetit të Historisë dhe Filologjisë shprehet se pedagogë dhe studentë do të vijojnë me protestat, por këtë herë vetëm një herë në javë.

Sabri Laçi: Javën tjetër i bie ditën e martë të ketë protestë. Pritet sesi do të reagojnë institucionet eprore lidhur me kërkesat që ka parashtruar Profesorati dhe studentët dhe varësisht nga qëndrimi do të jetë dhe sjellja ndaj protestës.

Megjithatë në këtë Fakultet studentët do të qëndrojnë në auditore dhe gjatë fundjavës deri në zëvendësimin e orëve të humbura.

Sabri Laçi: Semestri i parë mbaron me 3 mars, provimet e semestrit të parë janë  me datën 4-24 mars.Semestri i dytë fillon me 25 mars dhe mbaron me 30 qershor. Periudha 1 korrik-20 korrik janë provimet e semestrit të dytë.

Dekani, Sabri Laçi, thotë se pagesa e tarifave, tashmë të reduktuara, do të nisë javën që vjen, ndërsa studentët do të kenë kohë deri në mars për shlyrjen e këtij detyrimi.

Rikthimi në auditore i gjen studentët më të ngarkuar me leksione e seminare.

 

Web Agency, Digital Agency, Web Development Agency

LEAVE A REPLY

Please enter your comment!
Please enter your name here