Nga Tritan Shehu.
Shkallëzimi i dhunës ndaj mjekëve e personelit shëndetësor e ka burimin te gjendja e mjeruar e sistemit duke ofruar kështu një shërbim larg standarteve të kërkuara, te denigrimi i tyre nga qeverisja për të fajësuar ata për çfare po ndodh.
Pra, janë problemet e mëdha të shëndetësisë sonë, çuarja e saj në vendin e fundit në Europë përsa i takon kujdesit ndaj pacientit, agresiviteti i qëllimshëm duke filluar nga Kryeministri ndaj këtij personeli, që nxisin këtë dhunë.
Përgjegjësinë për nivelet afrikanoqëndrore të shëndetësisë sonë nuk e kanë mjekët, infermierët etj, që në kushte shumë të vështira financiare, teknike, logjistike etj, kërkojnë të bëjnë më të mirën e mundshme, por ata që po qeverisin duke e çuar në kolaps të gjithë sistemin.
