Spartak Ngjela gjithmonë është dalluar për mendimet e tij nacionaliste duke mbrojtur tezën e mos-coptimit të trojeve shqiptare që ka filluar me Konferencën e Berlinit dhe më pas me Konferencën e Ambasadorëve në Londër ku ju dha goditja përfundimtarre ëndrrës për një Shqipëri të madhe. Avokati gjithashtu mbështet edhe çdo vendim të liderëve të Kosovës që nuk duan ndarjen e kufijëve të Kosovës.
Ai sot ka shpërndarë në rrjetin e tij social Facebook një postim ku shihet kryeministri Ramush Haradinaj me mbishkrimin “Nuk e ha mallin e dikujt që më ka vra anëtarët e familjes”, duke e shoqëruar me fjalët se shqiptari po ringjallet.
Ky postim i Ngjelës vjen si pasojë e presionit që po i bëhet kryeministrit Haradinaj nga ndërkombëtarët për të hequr taksën 100 % mbi mallrat serbe. Kujtojmë se Ambasadori Amerikan në Kosovë doli dje duke përplasur derën nga takimi me zyrtarët kur po diskutonin për taksën.
