Pas takimit Haradinaj-Hahn: Në rrugën e integrimeve drejt BE-së

0
109

 Kryeministri i Kosovës Ramush Haradinaj, pas takimit me Komisionerin për Zgjerim dhe Fqinjësi, Johannes Hahn,  nëpërmjet një postimi në Facebook ka zbuluar edhe temat e diskutuara me të.

 

Në shkrimin e tij, shefi i ekzekutivit kosovar thotë se Hahnin e ka njoftuar për pozicionin e Kosovës, në rrugën drejt BE-së. Haradinaj tutje ka thënë se pret vendim të shpejtë, në lidhje me liberalizimin e vizave.

“Në takim me Komisionerin e BE-së për Zgjerim, Johannes Hahn, ritheksova se pozicioni i Kosovës është i palëkundur në rrugën e integrimeve drejt BE-së. Në këtë drejtim, kemi shënuar progres në agjendën europiane dhe pas përmbushjes në tërësi të kritereve për liberalizim presim një vendim të shpejtë, që të na njihet e drejta e lëvizjes së lirë”, shkruan Haradinaj në Facebook.

Kryeministri nuk ka treguar nëse në këtë takim është diskutuar edhe për taksën e vendosur ndaj produkteve nga Serbia dhe Bosnja e Hercegovina.

Hahn nuk pritet të zhvillojë takime tjera me liderët e Kosovës, por do të udhëtojë drejt Tiranës, për tu takuar me kryeministrin Edi Rama.

 

Web Agency, Digital Agency, Web Development Agency

LEAVE A REPLY

Please enter your comment!
Please enter your name here