Zëvendëskryetari i LSI-së Luan Rama deklaroi se nëse ka institucion që nuk mund të flasë për të drejtat e studentëve është pikërisht Parlamenti. Nga foltorja e Kuvendit Rama tha se parlamenti është i padenjë që të merret me problematikat e studentëve.
“Kur flas për përgjegjësi në 28 vite qeverisje të këtij vendi ndaj studentëve, të gjithë jemi përgjegjës. Opozita e ka marrë ndëshkimin e vet, për këtë arsye është në opozitë. Është dënuar opozita prej qytetarëve edhe për këtë gjë. Por, a keni parë që studentët të protestojnë tek selitë e opozitës? Apo shkojnë tek Kryeministri t’i ankohen atij për opozitën?”, tha Luan Rama.