Partia Demokratike ka shpërndarë video të arrestimit të protestuesve sot në protestën e Unazës së Re. Në pamje shihen sesi efektivët e policisë kanë ndërhyrë për të marrë me forcë në makinë disa nga protestuesit.
“Video qe tregon sesi policia ka ndërhyrë brutalisht, rreth 200 metra larg vendit ku u zhvillua protesta në Unazën e re dhe duke ushtruar dhune ka marre forcërisht protestuesit duke i shoqëruar ne komisariat. Gjate kësaj ndërhyrje ka pasur edhe veprime te dhunshme nga efektivat e policisë ndaj gazetareve dhe kameramanëve qe po filmonin ne vendin e ngjarjes”,- thuhet në videon e publikuar nga PD.