Partia Demokratike ka reaguar sërish sot ndaj ngjarjes së rëndë të denoncuar nga oficeri i policisë Emiljano Nuhu.
Deputetja Albana Vokshi tha se mekanizmin mafioz të mbrojtjes së kriminelëve dhe të sulmit ndaj denoncuesve e konfirmoi vetë kryeministri Rama pas katër ditë heshtje mafioze.
Vokshi tha se Edi Rama zgjodhi të mbrojë publikisht horrat dhe përdhunuesit e grupit të tij parlamentar, duke mos treguar shenjën më të vogël të mbështetjes për vajzën e torturuar. “Ajo vazhdon të jetojë nën kërcënimin e bandës në pushtet e cila ka garancitë e Ramës për paprekshmërinë e saj”.
Vajza dhe familja e saj ende nuk kanë marrë në mbrojtje.
“Mediat paralajmërojnë sot një skenar edhe më makabër. Është vetë Edi Rama që po bën cdo përpjekje që ta shfaqë vajzën publikisht para gazetarëve për të shpëtuar kriminelët e veshur me imunitet.
Nëse Balla dhe Rrahja, nuk do të kishin bekimin e Ramës, sot do të ishin jashtë grupit të PS dhe do ishin vënë para drejtësisë ndërsa dhunuesi i vajzës do të ishte arrestuar dhe do të ishte në burg.
Rama zgjodhi të jetë në krah të kriminelëve, duke sulmuar me gjuhë banditi oficerin që denoncoi rastin, sic veproi ndaj Dritan Zaganit.
Emiljano Nuhu ishte nga oficerët e rinj të policisë i vlerësuar nga të gjitha misionet e huaja, me të paktën 10 certifikata vlerësimi.
Sjellja si bos mafioz në rastin e Zaganit, e vonoi të vërtetën për Sajmir Tahirin por nuk e ndaloi dot atë.”, tha deputetja Vokshi.
Ja video e plotë e prononcimit të deputetes demokrate
