Pasqyra javore
Ngjarjet më të spikatura dhe të përfolura të javës që lam pas.
- DASH i heq maskën Ramës!!
Departamenti Amerikan i Shtetit (DASH) ka publikuar raportin e pritur për klimën e investimeve për Shqipërinë për vitin 2018, që edhe këtë vit është tepër i ashpër. Në të mbizotërojnë shqetësimet për korrupsionin, mungesën e transparencës në tendera, teksa Shqipëria konsiderohet si një vend i vështirë për të bërë biznes dhe ku favorizohen kompanitë e lidhura me politikën. Me shqetësim raportohen dhe projektet e partneritetit publik privat, të cilat vlerësohet se kanë kufizuar konkurrencën, ndërsa nuk ka një analizë kosto-përfitime të tyre. Tjetërsimi i pronësisë është një tjetër problem që kanë raportuar investitorët e huaj.
- Pas Teatrit, presidenti Meta rrëzon edhe ligjin që ulte taksat për bixhozin
Presidenti i Shqipërisë, Ilir Meta ka vendosur të kthejë në Kuvend për ndryshime të tjera edhe ligjin e propozuar dhe miratuar nga mazhoranca e Edi Ramës, që ulte taksat për bixhozin.
Qeveria e Edi Ramës propozoi dhe miratoi në Kuvend ligjin që ishte në favor të biznesve të lojërave të fatit.
Por presidenti e ka kthyer ligjin në Kuvend, pas ndryshimet nuk janë të argumentuara dhe ky ligj është në kundërshtim me objektivat e vetë shtetit social.
- 133 mijë nxënës e studentë braktisin bankat e shkollës
Shifra alamante, shqetësuese për shoqërinë. Në këto 5 vite pushtet të qeverisë, Rama me shok ia doli që 133 mijë nxënës e studentë të braktisin bankat e shkollës. Në dy fushata të Ramës për kryeministër, në premtimet elektorale, arsimi dhe punësimi ka qënë ndër kryesoret, por siç ndodh rëndom këto mbeten fjalë për të mbushur mitingjet dhe platformën e rilindjes që s’duket asgjëkundi.
http://www.standard.al/2018/08/04/qeveria-e-kumarit-dhe-133-mije-nxenes-pa-shkolle/
Standard.al