Puna ka nisur! Aktorët e “Apartamentit 2XL” kanë mbledhur forcat për të sjellë në sezonin e ri televiziv, një produkt krejtësisht të ri.
Ishte autori i programit Turjan Hysko, që publikoi mëngjesin e sotëm në profilin e tij në “Instagram”, një foto ku tregon se xhirimet kanë nisur.
“Njeri qan, tjetri qesh” – shkruan Turjan Hysko në foton e publikuar, ku shfaqen dy aktorët Julian Deda dhe Albano Bogdo. Por ajo që ka shokuar ndjekësit është se ata ndodhen në varreza, ku Juli qëndron i ulur duke ngrënë bukë, mbi varr, madje i buzëqeshur. Ky veprim me siguri nuk do të ishte pritur mirë nga familjarët e të ndjerit, pasi si nga ana fetare, ashtu dhe nga ana morale, të ulesh mbi varr është një veprim i ndaluar.
