Në fshatin Nivicë të Tepelenës u zhvillua festivali “PAN-FEST Nivica” ku për herë të parë u mbajti konkurs i ri për përzgjedhjen e cjapit më të bukur të krahinës.
Në këtë aktivitet ka marrë pjesë edhe kryebashkiaku i Tepelenës, socialisti “famoz” Tërmet Peçi, të cilit iu dha privilegji të ishte anëtar jurie në përzgjedhjen e cjapit më të bukur. Ky i fundit mbahet mend për deklaratat e tij të famshme si “fitore publicitare” apo ” qeveria i ka promovuar”, tani kryebashkiaku vjen si anëtar jurie i konkursit “cjapi i krahinës”.
Fotot nga aktiviteti janë publikuar nga Kryetari i Këshillit Shkencor në Unesco Auron Tare, i cili shprehet se ky konkurs është një përpjekje për të promovuar dhe ruajtur traditat e kësaj krahine.