Në vijim të akuzave të PD-së për vëllain e ministrit të Brendshëm, Fatmir Xhafaj, ish-ministri i Drejtësisë, Ylli Manjani thotë se qeveria Rilindja nuk qeveris dot. Manjani thotë se Krimet e Rënda duhet të marrin të pandehur vëllain e ministrit Xhafaj, pavarësisht vendimit të Italisë.
”Pas përgjimit që bëri publik PD, nuk ka më vend për komente! Prokuroria e Krimeve të Rënda duhet të marrë të pandehur Agronin dhe Ermalin, megjithëse rrjetin që pëmendet aty! Pavarësisht vendimit të Italisë”,-shkruan Ylli Manjani në një status në facebook.
Ish-ministri Manjani thotë se është koha për të shpalosur një alternativë normaliteti dhe reformash agresive. Sipas tij, rilindja nuk është më alternativë, por pengesë.
”Fatmiri nuk mund të jetë më anëtar i qeverisë! Rama dhe Rilindja e tij nuk mund të qeverisin dot! Nuk kanë asnjë fytyrë e moral! Nuk gjetën dot një Ministër të Brendshëm, të pa përfshirë në histori krimesh e trafiqesh! Nuk i ndihmon më askush! As ”miqtë” e huaj! Faktet janë ulëritëse. Sa më shpejt ta kuptojnë këtë gjë aq më mirë për ta! Akoma më mirë për vendin! Është koha për të shpalosur një alternativë normaliteti dhe reformash agresive! Rilindja nuk është më alternativë por pengesë”,
