“Master Class Albania” është një konkurs i madh i dedikuar për të gjitha grimieret shqiptare dhe Zaimina do të jetë moderatorja e këtij konkursi. Por, si çdo gjë e re ka pikëpyetjet e veta. Kështu, ka qenë komenti i një ndjekëseje të faqes së Zait, e cila i ka shkruar se dihet kush do e fitojë konkursin, grimierja personale e këngëtares, që quhet Elona. Por Zaimina ka reaguar ashpër. Ndër të tjera ka shkruar: “Nuk kam ofenduar gocën që ka bërë komentin, por nuk mund të lejoj që në këtë projekt në të cilin do të jenë pjesëmarrës në konkurrim grimierë nga e gjithë bota, të shprehet mendimi se mund ta fitojë shoqja ime. Unë atë koment nuk e kam marrë si kompliment ndaj grimieres sime ku theksohet që është shoqja ime. Për respekt të konkurrentëve dhe përgjegjshmërisë të gjithë ekipit që punon për këtë projekt dua të sqaroj këto mesazhe që disa njerëz si ty i marrin për kompliment, por për të tjerë që konkurrojnë e shohin ndryshe atë koment”!
