TIRANE- Kryedemokrati Lulzim Basha i ka kthyer përgjigje nga Vora aty ku ka nisur “mosbindjen civile” bashkë me një grup qytetarësh, kryeministrit Edi Rama, i cili u tërhoq sot nga taksa për Rrugën e Kombit, kur tha se nuk do të vendosej deri sa gjendej një zgjidhje për banorët e Kukësit.
Basha thotë se Rama me këtë deklaratë do vetëm të fitojë kohë. Kryedemokrati shtoi se ajo taksë është e padrejtë për të gjithë shqiptarët jo vetëm për kuksianët.
“Edi Rama duhet ta heqë taksën se është e padrejtë për të gjithë, për çdo shqiptar tjetër, pra është një taksë e dyfishtë. Me këto deklarata ai po përpiqet të blejë kohë e më pas t’i godasë qytetarët pas shpine”, tha Basha.
Ai shtoi se qytetarët do vijonin të qëndronin në protestë, deri sa taksa të hiqet për çdo shqiptar.