Kryetari i PBDNJ-së, Vangjel Dule, ka reaguar lidhur me autorizimin që Presidenti Ilir Meta ia dha ministrit të Jashtëm, Ditmir Bushati për plotfuqishmërinë e grupit negociator në negociatat me Greqinë.
Në një prononcim për News24, Dule tha se në 4 vitet e shkuara janë bërë hapa pas në marrëdhëniet me Greqinë.
Kjo është një fazë e re në marrëdhëniet mes dy vendeve. Çelet rruga në aspektin teknik dhe politik. Por dhe për integrimin e Shqipërisë në BE. Themeli i marrëdhënieve mes dy vende, ato të popujve. Lidershipi politik nuk mund të cënojë marrëdhëniet mes popujve. Ne 4 vitet e fundit hapa mbrapa në këto marrëdhënie. Ndaj është momenti për te rikuperuar kohen e humbur”, tha Dule.