Shiu dhe bora paralizojnë vendin/ Ja zonat më të rrezikuara

0
142

Reshjet e dëborës, të cilat pushtuan të gjithë territorin, u pasuan me reshje të shumta shiu, ku për pasojë janë evidentuar disa problematika.

Ministria e Mbrojtjes ka bërë publik raportin me situatën në të gjitha qarqet, ku sërish ka rrugë të bllokuara nga dëbora, dhe rrëshqitje si pasojë e shiut.

Qarku Shkodër.

Si pasojë e reshjeve ka pasur një fryrje të lumenjve Drin dhe Bunë, mesatarisht rreth 30 cm. Akset rrugore të bllokuara nga bora janë: Bogë-Theth, Mali Shoshit-Bregu i Lumit, Muri i Turkut-Shllak, Fushë Arrëz- Iballë.

Aksi rrugor i kalueshëm me zinxhirë është, Tamarë-Vermosh. Në Njësitë Administrative Shalë, Pult, Shosh, Temal, Shllak dhe Iballë, ka pasur mungesë të energjisë elektrike.

Në aksin rrugor rural Barbullush-Mabe është dëmtuar ura prej betoni që lidh këto dy fshatra. Në Njësinë Administrative Ana Malit janë përmbytur rreth 50-60 ha tokë. Nuk ka prezencë uji në banesa dhe rrugë.

Në fshatin Bërdicë janë përmbytur nga reshjet e shiut rreth 10-15 dynym tokë dhe në fshatin Trush rreth 20-30 ha tokë, Njësia Administrative Bërdicë. Nuk ka prezencë uji në banesa dhe rrugë.

Qarku Kukës.

Lartësia e dëborës në Qafë Shllak ka arritur rreth 50 cm dhe Valbonë rreth 50 cm. Rruga e Kombit është e kalueshme pa zinxhirë. Firmat kontraktore janë në gatishmëri me mjete dhe forca për çdo situatë të mundshme nga kushtet atmosferike.

Aksi rrugor për në Njësinë Administrative Arrën vazhdon të jetë i bllokuar. Aksi rrugor rural Kolsh-Qafë Shllak është hapur dhe është funksional pas rrëshqitjes së skarpatës.

Aksi rrugor Bajram Curri-Valbonë, si pasojë e rënies së inerteve dhe gurëve të mëdhenj në trupin e rrugës, aktualisht është i kalueshëm me një korsi.

Ka pasur mungesë të energjisë elektrike në Njësitë Administrative Tropojë e Vjetër dhe Lekbibaj. Grupet e punës së OSHEE janë në terren dhe po punojnë për riparimin e defekteve.

Aktualisht nga reshjet e dëborës janë të izoluar 12 fshatra të bashkisë Kukës dhe 8 fshatra të bashkisë Tropojë, të cilët në total kanë 1928 banorë.

Qarku Dibër.

Akset rrugore kombëtare janë të gjitha të kalueshme. Në Njësinë Administrative Arras, bashkia Dibër, rrezikohet të shembet një banesë nga rrëshqitja e tokës, për shkak te reshjeve të mëdha të shiut. Janë marrë masa nga bashkia duke larguar familjet për të mos rrezikuar jetën e tyre.

Është e bllokuar nga reshjet e dëborës fshati Xibër në bashkinë Klos. Firmat kontraktore vazhdojnë punën për mbajtjen të hapura të akseve rrugore. Aktualisht të gjitha akset rrugore janë të kalueshme.

Nga reshjet e dëborës aktualisht janë të bllokuara 30 familje në Xibër dhe në bashkinë

Bulqizë.

Qarku Lezhë.

Akse rrugore të bllokuara janë: Klos-Xhuxhë, Klos-Konaj, Klos-Sang në Njësinë Administrative Fan. Akset rrugore Reps-Nënshejt, Reps-Lajthizë në Njësinë Administrative Orosh.

Me mjetet që disponon bashkia ka filluar ndërhyrja në të gjitha rrugët e territorit të bashkisë për lidhjen e Njësive Administrative me fshatrat.

Dëmtime në infrastrukturë: Është shembur ura që bashkon fshatin Mabe të bashkisë Lezhë me fshatin Barbullush të bashkisë Vau Dejës. Ura ndodhet rreth 100m në largësi të fshatit Barbullush.

Prefekti i qarkut Lezhë inspektoi urën e dëmtuar dhe u morën masat duke angazhuar dy patrulla të drejtorive të policisë Lezhë e Shkodër, duke siguruar dhe bllokuar të dy anët e urës se shembur, për të evituar ndonjë ngjarje me pasoja në jetë njerëzore.

Aktualisht nga reshjet e dëborës në të gjithë qarkun janë të izoluara nga dëbora rreth 50 familje kryesisht në Njësitë Administrative Fan, Selitë dhe Orosh.

Qarku Elbasan.

Në fshatin Cerrujë të bashkisë Elbasan, ka pasur një rrëshqitje masive toke. Kjo ka bërë që të rrezikohen disa banesa. Në vendngjarje po shkojnë specialistë të bashkisë Elbasan për të parë nga afër situatën.

Hidrocentrali i banjës ka filluar shkarkimet me 250 m 3  për mbajtjen në nivel normal të rezervuarit.

Aktualisht numri i familjeve të bllokuara nga dëbora është:

– 80 familje në bashkinë Elbasan (20 familje në fshatin Benë dhe 60 familje në Lukaxhi).

– 125 familje në bashkinë Librazhd (40 familje fshati Neshtë, 20 fshati Rinas, 20 fshati

Ballgjin, 15 familje Stëblevë, 30 familje Qarishtë).

– 175 familje në bashkinë Gramsh (50 familje në fshatin Grabovë e Sipërme, 60 familje në

fshatin Holte dhe 65 familje në fshatin Gjerë).

– 100 familje në bashkinë Përrenjas, të cilat janë në Njësinë Administrative Sravan.

Qarku Korçë.

Akset rrugore kombëtare janë të gjitha të qarkullueshëm. Në Njësinë Administrative Velçan nga reshjet e shiut të rëna gjatë natës ka shkrirë një pjesë e dëborës dhe ka filluar qarkullimi i njerëzve të cilët ishin të izoluar nga dëbora. Lumi Devoll është në kuota maksimale.

Rezervuari i Sovjanit në bashkinë Maliq është në kuota maksimale.  Në të gjithë qarkun ka pasur furnizim normal me energji elektrike dhe ujë të pijshëm.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here