Ka nisur në mënyrën më të shëmtuar super sfida e javës së 21-të mes Skënderbeut dhe Partizanit. Përpara nisjes së takimit ka pasur përleshje midis tifozëve të Skënderbeut dhe Partizanit.
Konfrontimi midis dy tifozerive ka ndodhur vetëm pak minuta para se të nis ndeshje. Kanë qenë ata të Partizanit të cilët kanë sharë dhe gjuajtur me gurë tifozerinë korçare.
Ngjarja ka ndodhur para stadiumit të Korçës në momentin kur grupimi “Ultras Guerrils” po tërhiqnin biletat. Sipas informacioneve, policia ka shoqëruar në komisariat disa tifozë të Partizanit.