Prokuroria e Krimeve të Rënda ka nisur një hetim pasuror për ish-drejtorin e Rrugëve Dashamir Xhikën. Prokuroria iu ka bërë kërkesë bankave dhe Hipotekës për të dhëna për pasurinë që figurojnë në emër të tij.
Ish-drejtori i ARRSH-së është arrestuar pak ditë më parë dhe dje u vendos nga gjykata që ish-Drejtori i Përgjithshëm i Rrugëve do të qëndrojë në burg. Gjykata e Krimeve të Rënda vendosi “arrest me burg” për të.
Xhika akuzohet për shpërdorim detyre dhe abuzim me fondet e rrugëve. Po ashtu, Gjykata ka vendosi arrest me burg edhe për dy zyrtarët e arrestuar bashkë me të, Ish-Drejtorin e Njësisë së Menaxhimit të Projektit Aksel Qurduka dhe për Albens Alite dhe ish-Drejtor i Njësisë së Menaxhimit të Projektit të Rrugës Tiranë-Elbasan.
Të tri zyrtarët janë akuzuar për një dëm shkaktuar Buxhetit të Shtetit prej 53 983 340 dollarësh për rrugën Tiranë-Elbasan.
